طاروق جديد

[بندر البشري]

السلام عليكم ورحمة الله وبركاته
أهنئكم بحلول شهر رمضان المبارك واعاننا الله على صيامه وقيامه




ياسلامي رديةللرجال الكرام =وخير مانبدء بالكلام السلامي
نبي لنا شاعر من الرجال الحشام=نبي نهنية بقدوم شهر الصيامي

[خضر الخصيفي]

منتظرين شعراء النخبه بفارغ الصبر من بدائة رمضاان حوالي اسبوعين
للرد للشاعربندر البشري

محد رد ليه ...

منتظرينكم وينكم

[خضر الخصيفي]

مرحبا ياصقر حربي في الجو حام..عد ماغرد القمري وطير الحمامي
السعد فالك والهناء في كل عام ..مرحبا بالحشيم ابن الرجال الحشامي

[بندر البشري]

الله لايهينك يا خضر الخصيفي والعذر على التأخير لاني مادريت انك رديت بيتين
شفت ردك اللي امس وتقول ليش ما أحد رد . بس ما قريت الرد اللي تحت
واستلم

مرحبا يالخصيفي ونهديك السلام = حيث انك كريم وشيبانك كرامي
منهو مثلك أعده بالمواقف حزام= والله يتقبل صيامك والقيامي

[خضر الخصيفي]

هلاوغلا اخوي بندر البشري والله يجعلنا وياك من المقبوله صالح اعمالهم

ويعيده اعوام عديده وازمنة مديده عليناوعليك

وعلى المسلمين اجمعين بخير وصحه وعافيه

استلم الله لا يهينك ...والسموحه بالتقصيرحيث اني صاحب شعور ولسة شاعر

رايتك بيضاء وعالي في المقام . راعي الطولات في وقت الزحامي
يشهد التاريخ بالبشري لزام . من قديم الوقت راقي بالسنااامي

0
ولازلت اوجه ندايه لشعار النخبه منتظرينكم

[بندر البشري]

الله لايهينك وابيض وجه واستلم على عجالة تخبر وقت الافطار قرب


أقابل رجال الطيب بطيبٍِ واحترام = وانت يالخصيفي رفيع ٍِ بالمقامي
ياهني منهو يالشهر صلى وصام = والتزم بالشرع وعلى الدين استقامي

[خضر الخصيفي]

يا عساه يعود بالامن والسلام ...وعاد عيدك ياصديقي بالتمامي

اسمى ايات التهاني للبشري تمام...لك يابندرتقدير و أحترأمي

[بندر البشري]

كل عام وانت وإدارة واعضاء النخبة وقبيلة حرب والمسلمين بالف خير وينعاد على الجميع باليمن والبركات


عاد عيدك وعساك تفرح بالايام = وينعاد على الامة دون انقسامي
انشهد انك رجلٍ شجيعٍ ومقدام = لكن اللقاء من طبعه يصير حامي

[خضر الخصيفي]

ودنا ياهل الخضراءتجيبون العلام ....شـارت التميييزشلتـوها بالامر أ لزاامي

اسعدونا بالقوافي سنـدوها يم شـام ...ياهل القالـه المفـيـده بالشـعر والعــلامي

[بندر البشري]

ماأدري وش قصة الحذف لكن أعتقد انها بسبب نقل السيرفر وألتمس لهم العذر وحصل خير
وهاذين البيتين اللتي حذفت



الشعر مواقفه تبي قوة عظام = توردك هداج ليا كنت ضامي
واللي ماشال العلامه والله مايلام= وأنا احمد الله موقعي بالامامي

[خضر الخصيفي]

اسف على التاخير اخوي بندر حيث اني قضيت ثلاثه ايام في رحاب المدينه المنوره
***
واستلم الله لايهينك
الشعر حكمه وضربه كما ضرب الحسام ...منطق العريف وأهل الرسن والخطامي

من نزل في ساحته فارس مجرب ودرغام...مقرور ولانته بمنكور ومؤقفك سامي

[بندر البشري]

الملعبه لازم يصير فيها احتدام= وبالشعر لازم انك تمشي بالنظامي
لكن البيت الاخير نحط استفهام= ولازم تجاوب عليه بالتمامي

[خضر الخصيفي]

المعاني واضحه يامسلم ياسلام.....شاعر النخبه مسجل بالرسامي

والمصلي يصلي ويقتدي بالامام...ومنهو حج البيت يلبس له حرامي

[بندر البشري]

يالخصيفي انتبه ترى عندي خبر هام= لازم تعيد الاوزان بوزنٍ جرامي
انتبه لا تجي بالليل والناس نيام = ثم يجي الصباح ويعرف الحرامي

[خضر الخصيفي]

الطرائق كثيره والمغني في انسجاام...والوسيعه وسيعه لاتكثر في ملامي

راكب الخيل فارس وفي أيدينه لجام ...والمساري للذيابه الضاريه بالضلامي

[بندر البشري]

العساكر تنصرف بعد أخذ التمام = واكثر العساكر مايحب الدوامي
هذي هي النصيحه وهي مسك الختام= اقبل المكتوب واقبل نص الكلامي


بيض الله وجهك ياخضر الخصيفي واعتذر لإنهاء المحاورة لطول وقتها
ومتعة المحاوره تكون قصيرة المدى
ومن محاسن هذا الطاروق أنا اكتشفنا شاعر مميز اسمه (( خضر الخصيفي ))
والله لايهينك وانا تشرفت بالعب معك وانشاء الله لنا عودة بمحاورات في منتدى النخبة
واعتذر منك إذا صدر من اي خطاء او زله
وتقبل خالص تحياتي

[خضر الخصيفي]

وجهك ابيض وصح اللسانك اخوي بندر البشري

الله يعلي مقدارك انت شاعر صعب والدليل محد تدخل رغم ندائه من رمضان .. ولا حتى شجعوو ولو بمرور

مدري ليش...
والحقيقه استمتعت معك بالمحاوره و منت راعي زله ولا ناقصه
راعي وفاء بيض الله وجهك ارق التحايا والاحترام