بعد طول الغيبه طاروق

[سفير الشعر]

السلام عليكم ورحمة الله وبركاته

سلام يابني عمي عقب طول الغياب
وعقب ماخلت الديره ببدوانها
ابيلي شاعر من اللي يعرفون الجواب
ماتثبت الدار لين تبنى سيسانها

[بندر البشري]

عليكم السلام ورحمة الله وبركاته

يامرحبا في سفير الشعر وفيها عتاب *** بعد الغياب والديره مفتوح بيبانها
وصلك شاعر من اللي يعشقون الصعاب *** والدار ترسي مدام ثابت اركانها

[سفير الشعر]

دام البقاء ياللي للطيب كساب
من ربعة طيبه معروف مسكانها
حدتني من دونكم وديان وايضا شعاب
والحجه ماتثبت الا ببرهانها

[بندر البشري]

يامرحبا بالسفير عد همال السحاب = من لابةٍ دايم الوفا هو عنوانها
الليل أقبل ومعه نورالشمس بيغاب = ودنا نرفع معاني الشعر واوزانها

[الغلا]

الله الله
الجزل لايأتي إلا بالجزل
سفير الشعر
بندر البشري
صح لسانكم شعارنا
والحمد لله على السلامة شاعرنا /
سفير الشعر
ومن طول الغيبات جاب الغنايم
.
.

متابعة لهذا القاف الكايف
لاهنتوووووووا

[ندى الأيام]

صحت السنتكم ياشعار والله يبيض وجيهكم ويجمل حالكم..
مجاراه رائعه في المعنى ..

اسمحو لي بالمتابعه..

واصلو..

[فقط الأعضاء المسجلين والمفعلين يمكنهم رؤية الوصلات]

[بندر البشري]

الغلا ربي يعافيك على المرور والمتابعه

[بندر البشري]

ندى الأيام لاهنتي على المرور الرائع

[سفير الشعر]

الله يسلمكي ياغلا واشكر لك الاهتمام والمتابعة والمرور وان دل على اهتمامك بالشعر

[سفير الشعر]

ندى الايام كم يسعد قلبي متابعتكي لنا وشكر لكي على اهتمامك بالشعر

[سفير الشعر]

الذيب يعوي ترا من فوق مرقاب
يابندق*ن*ماتصيب اليوم وش خانها
ياصاحبي المعاني بين ضرس*ن*وناب
ياشاوي غادي*ن* معزاه مع ضانها

[بندر البشري]

يقولون لغة الكلام أبلغ من خطاب = والامور الطيبه مرتفع ميزانها
لاتحرٌث بالامور ثم يعميك التراب = بعدها وش عاد ينجيك من نيشانها

[سفير الشعر]

عيونك يابندر اليوما غشاها سراب
وان تبغى دروب السلامه عانها عانها
من داحم الجرب والله لايجيه الجراب
واللي يحفظ الامانه يوم ماخانها

[بندر البشري]

ادع ياسفير الشعر والدعوه تستجاب = وانتبه لاتخلط اهزالها بسُمانها
من يقابلني هنا يجيه انواع العذاب = لين نعرف عاقل القوم من ورعانها

[سفير الشعر]

انا معي سيف ومعي شعر مايهاب
واللي يغوص البحور يعرف مرجانها
ياللي تهدد ترا ماعندك زهاب
واللي يمر المدينه يعرف سلطانها

[الغلا]

الله الله
ماشاء الله
قاف جزل يستحق المتابعة
صح لسانكم شعارنا
.
.


متابعة وبقوة

[بندر البشري]

ياسفير أشوف روحاتك ذهاب وأياب = مانفرق بين صاحيها ومرضانها
صاحبي أشوفه رمى ولنفسه اصاب = والساحه الشعريه انا من فرسانها

[سفير الشعر]

العلم بين ترا من فوق ظهر الكتاب
يالحيت*ن*جالها اليوم حسانها
ان كان ذيب ترا قدامك ذياب
جعلك من اللي تسدح فوق ذرعانها

[بندر البشري]

ارتفع ياصاحبي لاتروُح للخراب = الكلمه الطيبه تصون منهو صانها
السفاره تطردك وتقفل دونك الباب = اصحابنا اليوم هذا ماهو أزمانها

[بندر البشري]

الغلا لنا الشرف بتواجدك معنا حياك ربي

[بندر البشري]

الله لايهينك ياسفير وبيض الله وجهك
والامور سهله والخواطر صافيه

[سفير الشعر]

وشبك تخربط وضعت في وسط الضباب
صنتها يوم بعض الناس ماصانها
خابرك ياللي علومك اذهن من الغراب
ودك بطردي وخل الناس في شانها

[راعي المغاتير]

مرحبا واهلا وسهلا فيك ياشيخ الشباب
وقلوبنا للسفير فتحت بيبانها
من شاعر عوفي مايقول الا الصواب
اشوف بندر شبها والنار من شبابها

[بندر البشري]

انت ياصاحبي عندك ضعف بالاستيعاب = ماتشوف العروسه لبست فستانها
العروسه تقول احس بالانجذاب = خلها مايمديك رح شف اخوانها

[سفير الشعر]

لاهنت يابندر وبيض الله وجهك والقلوب نظيفه

[سفير الشعر]

اشكر راعي المغاتير على المرور

[سفير الشعر]

لارحمتم ياثنين جعلكم للذهاب
اليوم مالت الكفه وميزانها
مشكورمشكور ونبقى ربع واحباب
لكن لا تسمع اللي تجر الحانها

[بندر البشري]

بيض الله وجهك ياسفير والله لايهينك وأعذرنا إذا اخطينا

[سفير الشعر]

عزالله انك كفو ومايجي منك الخطأ:):):):):)