للشعّار وليس للمستشعرين

[خيّال العـــصلا]

ياسلام الله سلام (ن)عدّ ماهبّت هبوب=واعداد مارحب وهلا صاحب(ن)في صاحبه
ويامرحبا ترحيبة(ن)اسوقها لربعي الحروب=وللشاعر اللي لاحضر يحيي معاي مناسبه

[صياف العلوي]

يا مرحبا بك من شمال المملكه لين الجنوب = ترحيب مني بالنيابه والمشاعر تكتبه

ان كنت جاهل فالمحبه فانشد كبار القلوب = تحجز على اول مرتبه وتروح لاخر مرتبه

[خيّال العـــصلا]

راجع القافيه
فيك البقا ياصاحبي وانته عن الحاضر تنوب=ياالشاعر اللي غلطته مرّت ولاني محاسبه
دام ان قلبي باالغلا مستحيل انّه يتوب=للحب غاصبني واناوالله ماني غاصبه

[ضاري شجاع]

احم احم


الله يعطيكم العافيه....والقافيه مافيها شي..حرف الباء والهاء


لوكانت..صاحبه..ساحبه...

تصبح القافيه الالف والحاء والباء والهاء


لكن على وضع بيتك كذا....الشاعر صياف ماعليه شي[/color]

[خيّال العـــصلا]

اخوي ضاري مشكور على المداخله
صحيح ان القافيه حرف الباء والهاء
لكن لاتنسى السكون اللي يسبق الحرفين
مثال <<<<راعي طويله:)
صاحبه =محاسبه = غاصبه =اعاتبه

تجي

امّا
صاحبه= مرتبه

ماتجي لان التاء مكسوره

فهمت والا اعيد؟

[صياف العلوي]

انتم ليا زانت مسارينا تسدون الدروب = مير الجمل لو ذم كل الناس منعاج رقبه

لا من ضويت العد بيجيك الرمي من كل صوب = والعاشق بهذا الزمن كل السهوم تصوبه

[خيّال العـــصلا]

ان كانها باالشعر امّا غالبن والا امغلوب=لي مهرتن لااسرجتها دايم وهي الغالبه
لكن ياصياف انا اقبلت في صدرن رحوب=لاتصير مثل اللي مايفهم لين يضرب غاربه

[ضاري شجاع]

احم


داام فيها ضربت غارب..اانا فهمت

بس مدري عن صيااف هو فهم والا لا

سؤااال...ياخي لحنكم من وين جايبينه...احسه يبي وزنه بلوف;)