طاروق ساخن لمن أحب من شعراء النخبه الكرام

[صياف العلوي]

أستأذن الاداره بطاروق











سلام تسليمة تاقف على مدخل الدار المريع = وتحذر اللي دخل من كثر من مات من سكانها


واللي ظهر من ظلام الدار بيسلم السيف اللميع = واللي تعثر له الديبان قد حددت نيبانها

[صياف العلوي]

السلام عليكم


وين الشعاااااار


يابوزياد يا سعود

ياالشلياني

ولا نغير اللحن

[أبـو رنـيـــم]

يامرحبا ترحيب من يمشي على الخط السريع = بندقك لاترفع على راس الهدف نيشانها
حنا نجي بالرد ياصياف من بالٍ وسيع = معنا تجي بهون سبب والله عطانا ارسانها

[أبـو رنـيـــم]

منت العوض باللي قبيلة حرب يكفيها جميع = صياف بن عواد فارس قلبها والسانها
والانت ياصياف شاعر من وراى الشاشه شجيع = مير البلا لاثار عج الخيل في ميدانها

والعذر والسموحه من الجميع

[صياف العلوي]

اشكر اخي ابورنيم على اجتهاده في هذا

الرد المميز لكن

والله العظيم ماهو على اللحن

فلذلك لا أستطيع الرد

الا على نفس اللحن اللي بدعته أنا

و أرجوا منه أن يطلبني في طاروق

جديد ويبشر بالرد اللي يدوره

[ابوزياد]

الله يمسيكم بالخير كلن بسمه الحقيقة لم اتمكن من رؤية الموضوع الا متأخر جداً
وابو رنيم ماقصر لكن زيادة الخير خيرين وبناء على طلب الشاعر


قبل أمس شفناك ياصياف تبدي برجلك كل ريع=دلوك بها مابها يصفق رشاها على جيلانها
واليوم تطلع لنا بالسيف والسيف له معنى ً رفيع=والله يعز البلد والسيف يبقى على عنوانها

[صياف العلوي]

اسمع
اليوم ولا امس كل ايامنا فالذهب نشري نبيع = واللي تعذر عن المشوار لايخطي فميزانها


السيف يرفعه واحد فالنهايه على كل الجميع = لامن شهد له على ارض المعركه منتخب فرسانها

[مـ ـهـ ـاجرهـ]

كفو والله بالجميع..

ترى انا من عشاق المحاورات ..عشان كذا لاتوقفون ولا تبطون علينا..


تحيتي للجميع ..

[صياف العلوي]

حولك شي يابوزياد ولا

ننام

[ابوزياد]

إقرأ
بالامس اظنه على وداعتك خانك هاك الرجل الوديع = ولااخاوي الخاين اللي امانته خانها ماصانها
واليوم ابا اعطيك ياصياف شور وشوري انك تطيع = السيف خله وخذ درسن من الحلقه وشيبانها

[صياف العلوي]

اقر
الشايب اللي طوال الوقت يهرج مع الطفل الرضيع = بيروحونه لذود البدو يسرح معا رعيانها

تفشل جميع الاذاعه لالقينا غلط عند المذيع = اللي يفسد على الشعار لا طولت قيفانها

[ابوزياد]

العود ماهو على ظنك ياصياف له فكرن بديع = عندك خبر عملته يصرف ذهب من قديم ازمانها
لاتأكل لحوم خلق الله وتصبح حساناتك رجيع = الطيب اللي سلم والنفس سيطر على شيطانها



برب

[صياف العلوي]

اقرا
انته لوتقول تشبه لابن عواد نفسي ما تطيع = لكن لقيت الحمول الكايده وانسدحت وزانها

الشاعر اللي تكلم بالخطيه على شاعر سبيع = ثور عليه السبيعي بندق ضابط نيشانها

[أبـو رنـيـــم]

موقف خطاء بين ساحات الحرم والبقيع = واكفوفك اللى حملها فيك ذرعانها
جسدك بالثوب غطه قد ما تستطيع = والذاهبه ذاهبه مالك وفي شانها

[ابوزياد]

لاتضوي السارية يالذيب تفشل ومجهودك يضيع=والشله اللي من البارح وهو واقفٍ دخانها
راح السبيعي ولاعين على شاطئ الراحة ربيع =ليته جلس باليار اللي يعدونه امن اعيانها

[صياف العلوي]

اقر
أصل الجبل مايضره شي فالوقت والزبده تميع = واللي يعروج هروج عوج مازانها ما شانها

اللي يروح لبلدهم بعد هذا الفعل سمه لكيع = عسى تعود حمول القوم لارباعها واثمانها

[ابوزياد]

عز الله ان الجبل شفناه قبل امس مايسمى ضليع ***** واليوم جتنا حمول الخيل من واستفزعت جيرانها
بكره يرروح لبلدهم من بلدنا ثلاث امية صديع ***** الناس تبحث عن المنقوط والوقت الاقشر هانها

[ابوزياد]

لاتضوي السارية يالذيب تفشل ومجهودك يضيع=والشله اللي من البارح وهو واقفٍ دخانها
راح السبيعي ولاعين على شاطئ الراحة ربيع =ليته جلس بالديار اللي يعدونه امن اعيانها


فقط لتصحيح الغلط وطبعا لغير الشعار

[مـ ـهـ ـاجرهـ]

عز الله ان الجبل شفناه قبل امس مايسمى ضليع ***** واليوم جتنا حمول الخيل من واستفزعت جيرانها

أبو زياد..

جاك واحد من حمول الخيل وحنا نفتخر فيه لكن ماتمدح صياف السحيمي ( الله يرحمة ) ع حساب بني على .. أمدحة ولا تنقص من غيرة ..

ما زلت متابعهـ...

تحيتي..

[صياف العلوي]

انته ياراع السواري لاتحزم بعدها بالذريع = من مات فادع له بالرحمه وخل العرب في شانها

الزمل خمسة جمال وحطوا أولهم بعير جويع = واخرهم اشبعهم ولابد ما يسبق فميدانها

[ابوزياد]

بعد فيه غلط ثاني ( من )زايده
عز الله ان الجبل شفناه قبل امس مايسمى ضليع ***** واليوم جتنا حمول الخيل من واستفزعت جيرانها
بكره يرروح لبلدهم من بلدنا ثلاث امية صديع ***** الناس تبحث عن المنقوط والوقت الاقشر هانها

والصحيح
عز الله ان الجبل شفناه قبل امس مايسمى ضليع ***** واليوم جتنا حمول الخيل واستفزعت جيرانها
الله يعطيهاالعافيه اختي العلويه لاحظت الغلط من خلال اقتباسها

[ابوزياد]

والله يالو ترفع القبوع عن صلعتك يابو قبيع **** ياهقوتي تضحك العربان من صلعتك واذانها
سج القدم مع طويل الماد والدرب قدامك سنيع **** امن وامان ا وناسه لاتحادا على ضلعانها


هذي ماهي محاوره هذي مثل طاش ماطاش كل يوم حلقه

[صياف العلوي]

الظاهر انك صادق

حتى بعض المفردات تشبه لكلامهم

لكن تابع الرد لين يشيب

يااللي تكلم رح ابحث فالتواريخ عن موت الفديع = عميان ويذبح من القوم قوم تشوف أعيانها

العاقل فديرته واللي تغرب بيلقى له تبيع = لكن مثل الوطن معدوم فامانها وايمانها

[صياف العلوي]

الظاهر انك صادق

حتى فيه أشياء ثانيه ذكرتني بهم

أرجوا الممتابعه حتى يشيب القاف

[ابوزياد]

خل العجاجة تطيّر بالقراطيس وايطيح الصريع=بعض السواليف اخير من التحدث بها نسيانها
غزال مدري غزاله بين اسدّين والمنطق فضيع=هذا عرين الاسد ماهو مقيل الضبا بغيرانها:




شاب القاف وشابت رموشه وخرف بعد

[صياف العلوي]

مايثبت فموقف حساس غير الشجيع بن الشجيع = والريح ما تحمل الا الحاجه اللي خفيف اوزانها


ياالله تحمى بلدنا من غزال نشوفه ياسميع = والباخره فالبحر شرهة حملها على ربانها

[ابوزياد]

مرت ولاصادها الرادار والامر للغايه شنيع=لكن عقب اشهرين انشدني اخبرك وش برهانها
وصلوا على الهادي المبعوث رحمه وبالماقف شفيع=نذير وايضا بشير الخلق من جنها وانسانها


اشكر الجميع على التشريف والمتابعة وشكر خاص لزميلي وصديقي الشاعر صياف

[صياف العلوي]

يا ما اكبر الفرق والطرقه مابين النقيع اليا البديع = عطنا علومك ياراع المهره اللي فقدت عنانها

رضوان ربي على اللي دفن في مقبرة واد البقيع = بعد صلاتي وتسليمي على اللي بعث باديانها

[صياف العلوي]

السلام عليكم أتمنى التعليق ممن يقرأ الموضوع


لان تعليقكم يفيدنا

وأشكر اخي الشاعر ابو زياد

[البرق]

اشهد شهادة حق .

ان الشاعر : ابو زياد الفريدي = صياف العلوي .

انهم شعراء حتى يوجد في بعض بيوتهم

معنى وهذي دلالة على انهم شعار ليس انا فقط

بل النخبة باكملهاااااااا تحياتي .

:"

[ابوزياد]

شكراً لك اخي الشجاع على المداخلة
والشاعر صياف شاعر محاورة له محاورات ابدع فيها تجدها هنا
[فقط الأعضاء المسجلين والمفعلين يمكنهم رؤية الوصلات]

وبرضه هنا
[فقط الأعضاء المسجلين والمفعلين يمكنهم رؤية الوصلات]

[سامي الحربي]

تحياتى للشاعرين ابوزياد وصياف العلوي

وكنت متابع لجميع المشاركات .

كنتم مبدعين ورائعين

بانتظار محاورات جديدة ان شاءالله تجمعكم

[حربي بن حربي]

ابو زياد.........صياف

استمتعنا بالمحاوره ولكن التعليقات بعد المحاوره للأعضاء

انتم كشعار حيلكم بالمعنى وخلوا المناقشه لنا

استلمتم معنى وماطولتوا فيه وطلعتم لمعنى ثاني

وبالنهاية قصرتوها

استمتع بالمحاورات

واتمنى انها طالت شوي عشان نستمتع ونشغل أدمغتنا

بالتوفيق وننتظر محاورات ثانيه